Kur bëhet fjalë për pastrimin e shtëpisë, të gjithë mundohemi të zgjedhim produktet më të mira larëse. Si përfundim, harxhojmë shifra të konsiderueshme duke blerë detergjentë të posaçëm për çdo kënd të shtëpisë si kuzhina, sallonin, larës për sobën, frigoriferin dhe për banjën.
Solucionet larëse përmbajnë kimikate toksike që dëmtojnë rëndë shëndetin, përmendim këtu rastin e një gruaje në Torino e cila humbi jetën si pasojë e hel mi mit nga acidi i banjës, por edhe ambientin. Për këtë arsye ju propozojme të ktheni sytë nga produktet që i keni patur gjithmonë aty, dhe që pastrojnë më mirë se detergjentët e ndryshëm.
Uthulla e bardhë e rrushit dhe soda e bukës për shembull, nuk duhet të mungojnë kurrë jo vetëm në hapësirën e kuzhinës, por tashmë edhe në banjë, pasi dizinf ektojnë pajisjet hidrosanitare duke filluar nga wc-ja, vaska, kabina e dushit, deri tek dritaret dhe rubinetët që kanë gjithmonë shenja uji. 1.Tualeti: Për të pastruar tualetin mjafton që të derdhni në gjithë sipërfaqen e tij 1 filxhan uthull rrushi dhe 2 lugë gjelle sodë buke. Lërini të veprojnë për 15-20 minuta, më pas fërkojeni me furçë dhe lajeni me ujë të bollshëm.
2.Vaska: Vaska është një ndër ato objekte që duhet pastruar vazhdimisht dhe i duhet ndërruaj uji pas çdo larjeje pasi në këtë mënyrë bëhet i mundur dizenfektimi i saj. Por nuk mjafton me kaq pasi patogjenët agr esivë dhe bak teret e ndryshme mbesin sërish brenda saj. Për t’i rikthyer pastërstinë dhe shkëlqimin mjafton të shtoni në një enë 1 gotë uthull të bardhë rrushi dhe 2 lugë sodë buke. Treteni masën në një kovë ose legen me ujë dhe pastroni gjithë sipërfaqen e saj me ndihmën e një sfungjeri.
3.Rubineti: Shenjat e ujit dhe smërçi në rubinetin e lavamanit janë vërtetë të bezdishme. Zgjidhja është fare e thjeshtë, krijoni një solucion larës me uthull të bardhë rrushi, sodë buke dhe kripë të bardhë. Hidheni në një shishe bosh në trajtë sprucatori. Fërkoni rubinetin me të dhe lëreni të veprojë për një orë. Në fund fshijeni me leckë pambuku. Do të habiteni nga rezultati.
Leave a Reply